Banderak haga erdian Portugaleten, Pirinioetan topatutako bikoteagatik

Hildako mendizaleen senideei elkartasuna adierazi die Portugaleteko Udalak, eta udaletxeko banderak haga erdian jarriko ditu asteburu osoan, "dolua adierazteko".

Udalak bartjaitsi ditu banderak, eta asteburu osoan horrela mantenduko ditu,"gertakari triste honen aurrean dolua adierazteko" MikelTorres Portugaleteko alkateak esan eman duenez. Era berean, "eskuraduen guztian senideak laguntzeko prest agertu da" Udala.

Erreskate taldeek asteartean desagertutako Portugaleteko bikotearen hilotzak aurkitu zituen atzo, ostirala, Pirinioetako Auñamendi tontorrerainoko bide batean, helikoptero batek zonaldea miatzen zegoenean. Gorpuak helikopteroz eraman zituzten Iruñera, autopsia egin ziezaieten, Guardia Zibilak jakinarazi duenez.

Hasiera batean mendizaleak amildu egin zirela uste arren, erreskate taldeek esan dute mendizaleek ez dutela istripurik izan, baliteke hipotermiak jota hiltzea, izan ere, tenperatura baxuak dira Pirinioetan, Nafarroako Gobernuak Guardia Zibila aipatuz agiria batean jakinarazi duenez.

Barakaldon bizi ziren portugaletetarrak asteartetik desagertuta zeuden, Izabako landetxe bat utzi zutenean eta Belaguako mendietako zonaldetik txango bat egitera joan zirenean.

37 eta 40 urteko auzokideak ez ziren landetxera itzuli eta bertako jabeek Nafarroako Larrialde Zerbitzuetara deitu zuten. Bikotearen ibilgailua ostegun goizean aurkitu zuten, Erlanzeko aparkalekuan.

Urteko sasoiagatik eta eguraldiko baldintza onak zirela eta, erreskate taldeek mendizaleak bizirik aurkitzeko itxaropena zuten.

Bilaketa lanak handiak

Izabako, Nabaskozeko, Oloroeko (Frantzia) suhiltzaileek, Foruzaingoak, eta Gurutze Gorriko eta DYAko boluntarioek osatutako operatiboa Auñamendi tontorrean izan da mendizaleak bilatzen, Nafarroako Larrialdietako Agentziak koordinatuta.

Ostegunean, lainoa dela eta, helikopteroak ezin izan ziren ibili, zenbait tokitan, eta laguntza-talde bat Ernazeko inguruan izan zen gaua bitartean.

Gainera, sakelako telefonoen errepikagailuen datuak aztertzen aritu ziren, bikotearen kokalekua aurkitzeko. Haien sakelako telefonora deitu zuten, baina ez zuten hartzen.