Abisu horia behe-lainoagatik Nafarroako Erriberan gaur eta bihar

Nafarroa hegoaldean behe-lainogatik abisu horia aktibatu dute, eguerdiko 12:00etan bukatuko da. Arratsalde lasaia espero da, baina, 21:00etan berriro aktibatuko da abisua eta hurrengo goizeko 09:00ak arte iraungo du. Goizean laino baxu eta behe-laino  bankuak espero dira lokalki eta arratsalde hasierara arte mantenduko dira. Gainontzean zerua oskarbi egongo da egun guztian zehar.

Ipar-mendebaldean tenperaturak igo egingo dira eta lurraldeko beste guneetan mantendu egingo dira, mendebaldeko gune batzuetan izan ezik, han maximak jaitsi egingo dira. Lizarran termometroak 0 eta 8 gradu artean egongo dira, Iruñean -2 eta 9 artean, Erronkarin 0 eta 12 artean eta Tuteran -2 eta 5 artean.

Izozte ahulak espero dira gune altu eta iparraldean izan ezik. Haizea ere makala izango da, iparraldean aldakorra baina hegoaldean lasaia.

Bestalde, EAEn, ez da aldaketa handirik espero. Tenperaturak Bilbon 4 eta 15 gradua artekoak izango dira, Donostiako berdinak eta Gasteizen tenperatura maximoak baxuagoak izango dira, EAEko hiriburuan termometroak 4 eta 8 gradu artean mugituko dira.

Zeruak nahiko garbi jarraituko du, erdialdeko eta goialdeko tarte lainotuekin. Haizeak, berriz, hegoaldetik joko du, indargabe eta moderatu artean ibiliko da.