Gizartea -
EZBEHARRA
Gizon bat zauritu da trenak harrapatuta, Usurbilen
11:36 aldera, pertsona batek SOS-Deiakera deitu du, Euskotreneko geltokian harrapaketa izan dela ohartaraziz.
AGENTZIAK | ERREDAKZIOA
Gizon bat zauritu da gaur goizean Usurbilen (Gipuzkoa), Euskotrenen geltokian izan den tren-harrapaketan, Segurtasun Sailak jakitera eman duenez.
11:36 aldera, pertsona batek SOS-Deiakera deitu du, Euskotreneko geltokian trenak pertsona bat harrapatu duela ohartaraziz.
Berehala bertaratu da anbulantzia bat, eta zauritua, 67 urteko gizona, Donostiako Ospitalera eraman dute. Lehen zantzuen arabera, buruko traumatismoa zuen.
Ertzaintzak ikerketa ireki du zer gertatu den argitzeko.
Hau zure interesekoa bada, baliteke beste gai hauek ere izatea