Gizartea -
Abisu horia haizeagatik
Hiru hegaldik ezin izan dute Loiun lur hartu, haize gogorra dela eta
Bartzelonatik eta Madrildik iritsitakoek jatorrizko aireportura joan behar izan dute, eta Amsterdamdik ailegatu dena Biarrizko aireportura bideratu dute.
Agentziak | Erredakzioa
Bilbora zihoazen hiru hegaldik ezin izan dute lur hartu Loiuko aireportuan zeuden haize bolada gogorren ondorioz, Aenak jakitera eman duenez.
Iristear zen lehenengo hegazkina Bartzelonatik abiatu da, eta jatorrira itzuli behar izan du goizean goiz.
Gero ordu luzez normal jardun dute aireportuan, baina 17:00ak aldera bi hegazkinek ezin izan dute Loiun lur hartu: Madrildik abiatu den eta jatorrira itzuli behar izan duen Iberiaren hegazkin bat; eta Amsterdametik abiatu eta Biarrizko aireportura bideratu duten KLMren hegaldia.
Paradoxikoki, Santanderren lur hartu behar zuten bi hegazkin Loiura bideratu dituzte, Kantabriako hiriburuko haizearen ondorioz. Dublindik eta Madrildik iritsitakoak ziren.
