'Darabagu' izango da Araba Euskaraz ekimeneko lelo berria

Aurten ikastolako komunitateko 100 kidek baino gehiagok parte hartu dute (ikasle, irakasle, guraso eta ikasle ohiak) logotipoa sortzeko prozesuan, eta Ikastolen Elkarteko diseinu taldekoen laguntza ere izan dute. Bertan, Araba Euskaraz ekimenerako zehaztutako helburuen hitz esanguratsuak sailkatu eta haien esanahia irudikatu dute. Ideia horretatik aukeratu dute Amurrioko 2020ko Araba Euskaraz ekimeneko logotipoa.

Ikastolan latzen ari diren proiektu batetik abiatuta, landare oso bat bihurtzeko bidea marraztua dute, ikaslearen garapen propioan oinarrituta, alegia, ikastola uzten dutenean zer nolako pertsonak izatea nahi duten horretan oinarrituta. Landare osoak irudikatu dituzte logotipoan, beren loreekin, kolore eta tamaina desberdinekoak.

Bestetik, Darabagu izango da lelo berria, "Araba" eta "euskaraz eraman" arteko hitz jokoa. "Amurrio eta Aiaraldea osoa mundura euskaraz eramaten dugula adierazteko erabiltzen dugu aditz trinko berria", adierazi dute.