Gizartea -
Indarkeria matxista
Gizon bat atxilotu dute Durangon emakume bati kalean sexu erasoa egitea egotzita
Erasoa igande goizean gertatu zen. Emakumeak salaketa jarri zuen eta ustezko erasotzailea epailearen aurrera eraman dute jada.
AGENTZIAK | ERREDAKZIOA
37 urteko gizon bat atxilotu dute Durangon emakume bati sexu erasoa egitea egotzita; ustez kalean gertatu da sexu erasoa, Eusko Jaurlaritzako Segurtasun Sailak astelehen honetan jakinarazi duenez.
Erasoa igande goizean gertatu zen Durangoko kale batean. Hori jasan ostean emakumeak salaketa jarri zuen. Ustezko erasotzailea epailearen aurrera eraman dute jada.
Durangoko Udalak indarkeria matxistaren kontrako protokoloa abian jarri du.
____________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.