Gizon batek mutil-lagunari eraso egin dio Donostian

Ertzaintzak 38 urteko gizon bat atxilotu du goizaldean Donostian, tratu txarrak egotzita, etxeko indarkeria kasu batengatik. Izan ere, mutil-lagunari eraso egin dio, eta azken hori ospitalera eraman behar izan dute.

04:30ean gertatu da erasoa, Ibaeta auzoan. Bizilagun batek Ertzaintzari deitu dio eztabaida "gogor" bat izan duten bi gizonen oihuak entzun dituelako.

Erasoa gertatu den lekura bertaratu direnean, agenteek atea irekita zegoela ikusi dute, baita biktimak aurpegian zein lepoan urradurak zituela ere. Gainera, ubeldurak eta zauri bat zituen besoan.

Hain zuzen ere, ertzainak Ibaeta auzora heldu direnean, biktima etxetik irteten zegoen. Zauriak zituela ikusita, baina, ospitalera eraman dute.

Ondoren, erasotzailea identifikatu eta atxilotu dute, tratu txarrak leporatuta. Atxilotua gaur bertan eramango dute epailearen aurrera.