Gizartea -
indarkeria matxista
Gizon batek emaztea hil du Ruten, Kordoban
Hiltzaileak krimena aitortu du Madrilen, eta Poliziak atxilotu egin du ondoren.
agentziak | erredakzioa
Gizon batek emaztea hil omen du Ruten (Kordoba), eta ondoren, Madrilen, Poliziari aitortu dio egindakoa. Atxilotuta dute ordutik, ikerketako iturriek jakitera eman dutenez.
Gaur, asteartea, goizeko lehen orduan, gizonaren deia jaso dute 091 telefonoan, eta emaztea hil duela aitortu, eta bere burua polizia-etxe batean aurkeztu nahi zuela adierazi du.
Auto batean zegoen orduan, Madrilen. Agenteek Espainiako hiriburuan atxilotu dute, eta Guardia Zibilak emakumearen hilotza topatu du bikotearen etxebizitzan, indarkeria zantzuekin.
_________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
