Gizon batek bi emakumeri eraso die Zumaian

Bi emakumek gizon baten erasoa jaso dute gaur goizaldean Zumaian, Eusko Jaurlaritzaren Segurtasun Sailak jakitera eman duenez.

Emakumeak 02:25ean etxera zihoazenean, gizon batek atzetik eraso die, Ardantzabidea auzoan.

Emakumeetako batek lepoan jaso du kolpea. Besteari sudurrean jo dio, eta ospitalera eraman behar izan dute artatzera.

Biktimek arratsaldean jarri dute salaketa, eta Ertzaintzak dagoeneko identifikatu du ustezko erasotzailea. Emakumeek ez zuten ezagutzen erasotzailea.

Zumaiako Mugimendu Feministak elkarretaratzea deitu du biharko, 19:30ean, Martxoak 8 plazan.

View this post on Instagram

Adi! Zumaiako bi emakume erasotuak! Atzo gauean Zumaiako bi emakume etxerako bidean erasotuak izan ziren. Erasotzaileak bi emakumeak atzetik jarraitu ostean biak kolpatu zituen. Nazkatuta gaude! Nahikoa da! Etxerako bidean libreak izan nahi dugu, ez ausartak! Eraso aurrean autodefentsa feminista! Bihar, astelehena, 19.30ean guztiok Martxoak Zortzi Plazara!

A post shared by Zumaiako Mugimendu Feminista (@zumaiafeminista) on

_________________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.