Kalte handiak eragin ditu sute batek Iruñeko Alegria elkartearen egoitzan

Sutea izan da gaur goizaldean Iruñeko Alegria elkartearen egoitzan, Jarauta kaleko 59. zenbakian. Nafarroako Gobernuak jakitera eman duenez, 07:16 inguruan jaso dute abisua, eta suhiltzaileak iritsi direnerako, sua elkartearen sukaldean, jangelan eta tabernan zabalduta zegoen.

Lehendabiziko ikerketen arabera, zirkuitulabur baten ondorioz piztu da sua. Ez da inor zauritu.

Argazkia: @bomberos_na

Sutea izan denean, lokala hutsik zegoen. Kalteak handiak izan diren arren, eraikineko etxebizitzetako bizilagunak ez dituzte kanpora atera behar izan.