Arga ibaiko hilotza Iruñean desagertutako gaztearena izan liteke

Polizian arabera, igande arratsaldean Arga ibaian, Nafarroan, Otazuko Jaurerriaren inguruan, aurkitutako hilotza Darwin Fernando Piedrarena izan daiteke. Gaztea Gabonetan desagertu zen.

Hala ere, hildakoa nor den ezagutzeko autopsiaren emaitzen zai egon beharko dute. Hilotza 17:57ean agertu da, ibiltari batek Argako uretan ikusi duenean.

Nafarroako Gobernuaren arabera, hilotza "deskonposizio egoeran" zegoen eta Iruñeako Auzitegi-Medikuntzako Erakundera eraman dute.

Darwin Fernando Piedra Morocho abenduaren 26ko lehen orduetan desagertu zen. Gau hartan lagunekin afaltzera atera zen eta goizaldeko 04:30etan ikusi zuten azken aldiz Iruñeako San Juan auzoan.

Familiak behin eta berriro adierazi duenez, gaztea ez zen bere borondatez joan "inolako arazorik ez zuelako" eta bizitza erabat normala egiten zuelako.

Desagertu zela jakin zutenetik, suhiltzaileek hilotzaren bila aritu dira Arga ibaiko leku ezberdinetan.