Del Valleren emazteak esan du bere senarrak Mari Luz "akabatu" zuela

Isabel Garcia Santiago del Valleren emazteak auzia ikertzen ari den epaitegian egindako deklarazioa aldatu eta ziurtatu du bere senarrak "Mari Luz akabatu" zuela, horrela Poliziaren aurrean 2008an egindako deklarazioa aldatuta.

"Ana Rosaren saioa"n esan duenaren arabera, Isabel Garciaren senarra izan zen neskatxa hil zuena, baina "istripu baten ondorioz, ez nahita eginda" izan zela gaineratu du, "ihes egin zitzaion".

Garciak azaldu du egun horretan ez zirela etxetik irten, bera sukaldean egon zela, batera bazkaldu zutela eta berak burukominentzako pilula bat hartu zuela. Geroago, lo geratu zen eta esnatu zenean, bere senarra ez zegoen bertan; hori dela eta, gelatik irten eta etxebizitzatik ote zebilen bilatu zuen, "baina ez zegoen bertan".

Senarra etxera bueltatu zenean, handik bost minutu ingurura, galdetu zion zergatik zituen botak lohiz zikinduta: "Leku batetan ibiltzen izan zela esan zidan eta gau hartan botak garbitu zituen, gutxienez birritan".

Bestalde, ziurtatu du Santiagok esan ziola "neska etxean sartzeko asmoa zuela, baina ihes egin zitzaion eta erori zela; istripu bat izan zela eta neskatxa bere ahizparekin batera eraman zuela ordurako, eta gorpua desagerrarazteko leku bakarra Huelvako itsasadarra zela esan zion", eta hala egin zuten.