Gizartea -
LAPURDI
76 urteko gizon bat hil da Makean, traktorearekin maldan behera erorita
Ibilgailu barruan harrapatuta gelditu da eta tokian bertan hil da. Istripua Urtsua mendiko lursail batean gertatu da.
EITB.EUS
76 urteko gizon bat hil da ostegun honetan Makean (Lapurdi), traktorearekin aldapan behera erorita. Gizona ibilgailuan harrapatuta geratu da, eta bertan hil da.
Sud Ouest egunkariak zabaldutako informazioaren arabera, ezbeharra 14:20 aldera gertatu da, Urtsua mendiko lursail batean.
Antza denez, iratzeak biltzen ari zela, oraindik argitzeke dauden arrazoiak tarteko, traktorea irauli egin da, eta 50 metro egin ditu aldapan behera, bueltaka. Gizona kabina barruan harrapatuta geratu da, eta bertan hil da.
Hau zure interesekoa bada, baliteke beste gai hauek ere izatea