Gizartea -
EMAKUMEEN KONTRAKO INDARKERIA
40 urteko gizon bat atxilotu dute Bilbon, bikotekide ohia jipoitzeagatik
Ertzaintzak jakitera eman duenez, gizonezkoak hainbat ukabilkada eman dizkio emakumeari aurpegian eta sabelaldean. Bi hilabeteko haurdun dago biktima.
AGENTZIAK | ERREDAKZIOA
40 urteko gizonezko bat atxilotu dute Bilbon, bikotekide ohia jipoitzeagatik. Segurtasun Sailak jakitera eman duenez, bi hilabeteko haurdun dago biktima.
Bilboko etxebizitza baten izan da erasoa, 04:30 inguruan. Ertzaintzaren arabera, erasotzaileak hainbat ukabilkada eman dizkio emakumeari aurpegian eta sabelaldean. Antza, une horretan etxebizitzan zegoen beste emakume batek deitu dio Ertzaintzari, gertatutakoaren berri emateko.
Erasoaren lekuan bertan atxilotu dute ustezko erasotzailea, emakumeen kontrako indarkeria delitua egotzita. Datozen orduotan eramango dute epailearen aurrera.
