Asteartetik falta den 14 urteko neskato baten bila ari dira Iruñean

Nafarroako Foruzaingoa abuztuaren 21etik Iruñean falta den 14 urteko neskato baten bila ari da.

Twitter bidez zabaldutako ohar batean, Foruzaingoak herritarren laguntza eskatu du Mireia Seijo aurkitzeko.

 

 

Azkenekoz ikusi zutenean, galtza bakero argiak, top tirantedun grisa, zapatila zuriak eta poltsa beltza zeramatzan soinean.

Hain zuzen ere, martxoaren 19an desagertu eta apirilean Garesen onik aurkitu zuten neska bera da.