Gizon batek sexu-erasoa egin dio pertsona transexual bati Gasteizen

Gizon batek sexu-erasoa egin zion asteartean pertsona transexual bati Gasteizen, Zaramaga auzoko ostalaritza-lokal batean; erasoa goizaldeak izan zen, eta Ertzaintzak ustezko erasotzailea atxilotu du; zerbitzari lan egiten du aipatutako tabernan.

Segurtasun Sailak jakitera eman duenez, tabernan biktima eta zerbitzaria bakarrik geratu zirenean gertatu zen erasoa, azken bezeroak irtenda. Une horretan, gizonak sexu-erasoa egin zuen; gainera, pertsona transexuala ikaratu zuen, eta horren zuzentasunaren aurkako mehatxuak egin zituen.

Tabernatik irtenda, biktimak salaketa jarri zuen, Ertzaintzaren aurrean, eta agenteak ikertzen hasi ziren. Biktima Gasteizko ospitale batera eraman zuten, eta auzitegiko mediku batek artatu zuen.

Ikerketari esker, Ertzaintzak goizean atxilotu zuen ustezko erasotzailea; epailearen esku utzi dute.