Merkantzia-tren bat errailetik atera da Gueñesen

Ez da zauriturik izan, baina Bilbo eta Balmaseda arteko FEVE tren-zerbitzua etenda dago.

Arangureneko geralekuan bidetik atera da trena. Argazkia: EiTB

AGENTZIAK | ERREDAKZIOA

publikatuta: 2018/06/24 19:02 (UTC+2)

azken eguneratzea: 2024/02/14 12:48 (UTC+1)

Santanderrera zihoan merkantzia-tren bat errailetik atera da igande arratsalde honetan Gueñesen, Arangurengo geralekutik gertu, Segurtasun Sailak jakitera eman duenez. Ez da zauriturik izan, baina Bilbo eta Balmaseda arteko FEVE tren-zerbitzua etenda dago.

Bilbo-Santander ibilbidea egiten ari zen 73563 merkantzia-trenaren bagoi bat bidetik atera da 17:30ak aldera, argitu gabeko arrazoiengatik, Sodupe eta Aranguren artean, hain zuzen ere.

Trenaren zerbitzua etenda dago (errail bakarrekoa da), eta horrela jarraituko du bagoiaren zama bertatik kendu arte. Gauzak horrela, Aranguren eta Sodupe artean autobus bidez eramaten ari dira bidaiariak, Adifek sare sozialen bidez jakinarazi duenez.

Hau zure interesekoa bada, baliteke beste gai hauek ere izatea

Basauri Gizartea Eguneko albisteak Albisteak Gueñes Trenen Istripuak Renfe azken ordukoa Merkantzia-garraioa Enkartazioak

Merkantzia-tren bat errailetik atera da Gueñesen

Esteka kopiatuta