Gizartea -
Gertakaria
Trapagarango gazte bat hil da Burgosen, haitz batetik behera amilduta
26 urteko mutila lagun batzuekin joan zen Lausako San Pantaleon ermita ingurura. Bertan jazo zen istripua.
Agentziak | Erredakzioa
Trapagarango 26 urteko mutil bat hil zen atzo Burgosen, Lausa Haraneko San Pantaleon ermitako haitzetik behera amilduta.
Gaztea lagun batzuekin joan zen Lausa Haranera, egun pasa. Oraindik ikertzen ari diren arrazoiak tarteko, hainbat metroko altueratik behera jausi zen.
Lagunek Gaztela-Leongo Larrialdi Zerbitzuetara deitu zuten 17:00ak aldera, baina osasun langileak bertaratu zirenerako hilda zegoen gaztea.