Sexu-abusuen edo tratu txarren biktimek % 6,5 gora egin dute Euskadin

Bikotekidearen edo bikotekidearen eskutik indarkeria matxista, familia barruko indarkeria ala sexu askatasunaren aurkako delituak jasan zuen emakumeen kopuruak % 6,5 gora egin zuen iaz, Euskal Autonomia Erkidegoan (EAE). 2016an baino 246 gehiago izan ziren, 4.020, hain zuzen ere.

Estefania Beltran de Heredia Segurtasun sailburuak agerraldia egin du gaur Eusko Legebiltzarrean, Euskadiko delinkuentziaren inguruko 2017ko txostena aurkezteko.

Sailburuak zehaztu duenez, bikotekide edo bikotekide ohien indarkeriagatik salaketek (3.758 kasu) % 4,45 gora egin zuten, familia barruko indarkeriagatik % 8 (929) eta sexu askatasunaren kontrako delituek (ukituak, abusuak eta bortxaketak, besteak beste) % 32,7 (312).

4.999 salaketa

Guztira, mota honetako delituen salaketek % 6,5 gora egin zuten, emakume biktimen kopurua areagotu zen proportzio berdinean, baina salaketak gehiago izan ziren (4.999), emakume batzuek salaketa bat baino gehiago aurkeztu zutelako.

Ertzaintza bildutako informazioa da. Horren berri urtarrilean eman zuten dadgoeneko, baina gaur sailburuak aurkeztutako txostenean lehen aldiz 25.000 biztanle baino gehiago dituzten 14 herritako udaltzaingoen datuak barneratu dituzte.