Gizartea -
Gipuzkoa
18 urteko neska bat hil da Legazpin, trenak harrapatuta
20:30ak aldera izan da ezbeharra, eta Ertzaintzak ikerketa abiatu du gertatutakoaren nondik norakoak argitzeko.
Eitb.eus
18 urteko emakume bat hil da larunbat arratsalde honetan Legazpiko geralekuan (Gipuzkoa), trenak harrapatuta, Eusko Jaurlaritzako Segurtasun Sailak eitb.eus-i jakitera eman dionez.
Iturri honen arabera, 20:30ak aldera izan da ezbeharra. Une horretan, antza, tren bat zetorrela konturatu gabe, trenbidea gurutzatzen hasi da Legazpiko neska gaztea eta Renfeko tren batek harrapatu du.
Ertzaintzak ikerketa abiatu du gertatutakoaren nondik norakoak argitzeko.