Gizartea -
Emakumeen aurkako indarkeria
Kartzelan sartu dute Abadiñoko sexu-erasoaren ustezko egilea
Gizonezkoa Durangon atxilotu zuten igande arratsaldean, goizean epailearen esku utzi ostean.
Agentziak | Erredakzioa
Durangon (Bizkaia) sexu-delitua egitea egotzita atxilotu zuten gizonezkoa (59 urte ditu) kartzelan sartu dute igande arratsaldean, goizeko lehen orduan epailearen esku utzi ostean, Segurtasun Sailak jakitera eman duenez.
Abadiñon urriaren 14an sexu-erasoa izan zela jakin zuen Ertzaintzak ostiralean, hilaren 20an, eta salaketa jasotakoan abiatutako ikerketari esker, ustezko egilea aurkitu, identifikatu eta atxilotu zuen larunbat arratsaldean, Durangon.
Beharrezko eginbideak burututakoan, igande goizeko lehen orduan agintari judizialaren aurrean jarri ostean, epaileak kartzelan sartzea agindu zuen.
----------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
