Gizartea -
Goitondo industrialdea
Sute batek kalte handiak egin ditu Mallabiko enpresa batean
Sua 16:15 aldera kontrolatu dute Iurreta, Basauri eta Eibarko suhiltzaileek. Suteak ke beltza sortu du.
Agentziak | Erredakzioa
Sutea izan da Mallabiko (Bizkaia) txatartegi batean, eta suak “kalte handiak” egin ditu Goitondo industrialdeko enpresan. Ertzaintzak jakitera eman duenez, alboko lantegiak hustu behar izan dituzte, baina ez da inor zauritu.
Sutea 15:00ak aldera hasi da, eta 16:15 aldera kontrolatu dute Iurreta, Basauri eta Eibarko suhiltzaileek. Oraindik, baina, ez dakite zer dela eta piztu den.
Suteak ke beltzeko zutabe trinko bat sortu du, eta inguruko herrietatik ikusi ahal izan dute.