Gizartea -
Aste Nagusian
Aburto alkateak dio ez dela sexu-erasorik izan Bilbon
Azaldu duenez, hori ondorioztatu dute ostegun goizaldeako ustezko bi kasuak ikertuta.
Agentziak | Erredakzioa
Juan Mari Aburto Bilboko alkateak esan duenez, azken egunotan ez da sexu-erasorik izan Bilbon. Ertzaintzak Bizkaiko hiriburuan azken orduetan ikertutako bi ustezko kasuak aztertuta, hori ondorioztatu dute.
Alkateak hori esan die komunikabideei ostiral honetan, Casilda Iturrizar parkean, Aste Nagusiko ekitaldi batera egin duen bisitan.
Ertzaintzak, berez, ez du salaketarik jaso, horren iturriek jakitera eman dutenez; ostegunean, baina, bi sexu-eraso izan zirela zabaldu zen.
Aburtok azaldu du susmoak daudeneko protokoloa jarri zela martxan, bi adingabeak Gurutzetako ospitalera joan eta gero, baina berretsi du: ez da sexu-erasorik izan. Hortaz, 'lasaitasuna' eskatu die herritarrei, alarmarik ez zabaltzea.
