Gizartea -
Huesca
Aretxabaletako mendizalea bilatzeko lanetan, arrastorik ez oraingoz
20 urteko gaztea ostiralean desagertu zen, bakarrik ibilbide bat egitera irten ostean, goi-mendiko gune batean.
Agentziak | Erredakzioa
Guardia Zibilak Radio Euskadiri baieztatu dionez, Pirineotan (Huesca) desagertutako Aretxabaletako (Gipuzkoa) mendizalea aurkitzeko bilaketa lanek ez dute, oraingoz, ondoriorik izan. Lanetak dihardutenek ez dute arrastorik topatu, oraingoz.
Ostiralean, 062 zentralean abisu bat jaso zuten, 112ren bitartez, gizon bat (20 urte ditu) Respomuso aterpearen eta Balaitus tontorraren arteko bidea egitera joan zela esanez, eta itzuli ez zela jakinaraziz. Dirudienez, goi-mendiko gune oso teknikoa da bide hori.
Bilaketa lanak egin dituzte asteburu osoan zehar eta gaur goizen, berriro ekin diete, Panticosako eta Jakako Mendi Erreskateko langileek eta Guardia Zibilaren Aire Unitatekoek.
