Sute batek Olatz Txipiko irin fabrika bat kiskali du

Suhiltzaile talde bat Olatz Txipian (Eguesibar) dago, atzo irin fabrika batean piztu zen sutearen egoera zaintzen. Sua handia izan bazen ere, ez zen inor zauritu, fabrika utzita baitzegoen.

Foru Gobernuak jakinarazi duenez, larrialdi zerbitzuek 22:30ean jaso zuten sutearen abisua. Ordurako, irin fabrika sutan zegoen, eta garrak teilaturaino iristen ziren.

Eraikinaren barruan zegoen zabor pilaren ondorioz, sua azkar eta indar handiarekin zabaldu zen, eta egurrezko egitura kolokan geratu da.