Gizartea -
Bizkaia
Zazpi pertsona aurkitu dituzte kamioi batean ezkutatuta, Elorrion
Eusko Jaurlaritzako Segurtasun Sailak jakinarazi duenez, hiru heldu eta lau adin txikiko dira, eta ez zuten dokumentaziorik aldean.
Eitb.eus
Ertzaintzak zazpi pertsona aurkitu ditu kamioi baten atoian ezkutatuta, Elorrion (Bizkaia), Eusko Jaurlaritzako Segurtasun Sailak ohar baten bidez jakitera eman duenez. Hiru heldu eta lau adin txikiko dira, eta ez zuten dokumentaziorik aldean.
Kamioi horren gidariak 16:30 aldera aurkitu ditu zazpi pertsona horiek atoian ezkutatuta, eta telefono dei baten bidez ohartarazi du Ertzaintza. Bertara joan diren agenteek ertzain-etxera eraman dituzte guztiak, medikuek bertan arta ditzaten.
Elorrion utzi behar zuen merkantzia Valentziatik zekarren kamioilariak. Dena dela, oraindik ez dago argi non igo diren kamioira.