Gizartea -
Ezbeharra
Mendizale bat hil da Kurutzebarri mendian, Aretxabaletan
Dirudienez, 64 urteko gizonezkoak konortea galdu du.
Agentziak | Erredakzioa
Mendizale bat (64 urtekoa) hil da asteazken honetan Kurutzebarri mendian, Aretxabaletan (Gipuzkoa), konortea galdu ostean, Segurtasun Sailak jakitera eman duenez.
Ezbeharra 11:00etan izan da, mendizale batek SOS-Deiak 112ra deitu du Kurutzebarri mendiaren gailurretik gertu, Aretxabaletan, kide batek konortea galdu duela esanez.
Informazio hori jaso ostean, Ertzaintzaren Mendi taldeko helikoptero bat bertaratu dute, baina medikuek haren heriotza berretsi besterik ezin izan dute egin. Eusko Jaurlaritzako Larrialdiak artatzeko teknikari batek koordinatu du operazioa.
Hau zure interesekoa bada, baliteke beste gai hauek ere izatea