Gizartea -
Gertaera
Mutrikuko Kofradia Zaharra kiskali du sute batek
Itxita eta zerbitzurik gabe zegoen, baina kalte materialak ugari izan dira.
Agentziak | Erredakzioa
Mutrikuko kaian dagoen taberna batean piztu da sute bat goizalde honetan, Ertzaintzak Europa Pressi jakinarazi dionez. Itxita eta zerbitzurik gabe dagoen Kofradia Zaharran tabernan piztu da sutea.
Sutearen berri izan dute 04:30ak aldera, eta suhiltzaileak sugarrak amatatzen egon dira 06:30ak arte. Oraindik ez dakite zein izan den sutearen jatorria, baina kalte material handiak eragin ditu.