Paul Abasolo futbolaria ez saritzea eskatu du Mugimendu Feministak

Durangoko Plataforma Feministak Paul Abasolo futbolariari Hirugarren Mailako jokalari onenaren saria jasotzeko hautagaitza kentzea eskatu dio Cantera Deportiva egunkariari, izendapena “beste eraso bat baita emakumeen aurka”.

Paul Abasolo Amantegui (Durango, 1984) Portugalete taldeko jokalariari hiru urte eta hiru hilabeteko espetxe zigorra ezarri zioten, 2006tik 2007ra hiru emakumeri sexu abusuak egiteagatik. Nolanahi ere, ez zuen kondena bete eta espetxean bost hilabete baino ez zituen eman, atxiloketaren ostean, Espainiako Gobernuak indultatu egin zuelako.

Durangoko Plataforma Feminista Udalari zuzendu zaio, eta Cantera Deportiva egunkariari aipatutako hautagaitza kentzea eskatzeko deia egin dio. Izan ere, "ezin da onartu sexu erasoak egin dituen pertsona baten irudia garbitu nahi izatea".