Gizartea -
Indarkeria matxista
Emakume bati ukituak egin dizkiote kalean, Santurtzin
38 urteko gizon bat atxilotu dute, eta 34 eta 40 urteko beste bi ikertuko dituzte.
Agencias | Redacción
Santurtziko Udaltzaingoak 38 urteko gizon bat atxilotu du, eta 34 eta 40 urteko beste bi ikertuko ditu emakume bati ukituak egin dietelakoan. Erasoa kalean bertan jazo da, Santurtziko Udalak ohar batean jakinarazi duenez.
Sexu-abusua urriaren 7an gertatu zen, 17:15 aldera. Handik gutxira, 38 urteko gizon bat atxilotu zuten udaltzainek, ukituen egilea zelakoan.
Dena dela, gerora egindako ikerketari esker, beste bi gizon, 34 eta 40 urtekoak, inputatu dituzte, erasoan parte hartzea egotzita.
Santurtziko Udalak osoko bilkura egin du "tankera honetako ekintzen aurrean gaitzespen irmo eta bateratua" azaltzeko.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
