Galerna arriskua gaur arratsaldean euskal kostaldean

Eusko Jaurlaritzako Segurtasun Sailak abisu horia ezarri du gaur arratsalderako, galerna arriskuagatik. Beroagatik eta baso-sute arriskuagatik ere, abisu horian dago EAE.

Galernak izateko arriskua dela eta, 15:00etatik 19:00etara izango da indarrean abisua. Izan ere, haizeak norabidea aldatu eta kosta osoa astintzea espero da.

Haizeteak 60 km/h-tik gorakoak izan daitezke. Gainera, tenperatura 8-10 ºC jaits daiteke ordubetean.