Gizartea -
Genero indarkeria
Gizon bat atxilotu dute Gasteizen bikotekidea kolpatzea egotzita
Biktimaren tabernako kutxako dirua hartzen saiatu zen 35 urteko gizona, eta emakumeak aurre egin zionean, jo egin zuen.
Agentziak | Erredakzioa
35 urteko gizon bat atxilotu du Udaltzaingoak Gasteizen bikote-laguna kolpatzea egotzita.
Udaltzaingoak ohar baten bidez jakinarazi duenez, erasoa larunbat gauean jazo zen, Aranbizkarra auzoko taberna batean. Gizona tabernan sartu zen, kutxan zegoen dirua hartzeko asmoz, eta emakumeak dirua hartzea eragotzi zionean, gizonak jo egin zuen.
Biktima kolpatzeaz gain, taberna ondoan dagoen biltegi batean kalteak egin zituen gizonezkoak.
Genero indarkeriaren ustezko delitua egotzita atxilotu dute.
____________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
