Gizartea -
Gipuzkoa
Sute batek Bergarako batzokia kiskali du
Sua batzokiko hozkailuetan piztu omen da, gauerdi aldera, eta egitura osora zabaldu da gero.
Agentziak | Erredakzioa
Sute batek kalte handiak egin ditu goizaldean EAJk Bergaran, San Pedro kalean, duen batzokian, Segurtasun Sailak eta suhiltzaileek jakitera eman dutenez. Sua ustekabean piztu dela ematen du, baina ez du inor zauritu.
Ertzaintzaren arabera, sua batzokiko hozkailuetan piztu omen da, gauerdi aldera, eta egitura osora zabaldu da gero. Lau solairuko eraikin zaharra da, eta egurrezko egitura du.
Ertzaintza eta suhiltzaileak bertaratutakoan, sua itzaltzea lortu dute, baina suhiltzaile-talde bat bertan geratu da, egitura freskatzen.
Hau zure interesekoa bada, baliteke beste gai hauek ere izatea