Gizartea -
Gertakaria
Sute batek baserri bat kiskali du Beasainen, baina ez da inor zauritu
Aratz-Matxinbenta auzoko baserria guztiz suntsituta geratu da sutearen ondorioz.
agentziak | erredakzioa
Sute batek Beasaingo (Gipuzkoa) Aratz-Matxinbenta auzoko baserri bat kiskali du, baina ez da inor zauritu, Segurtasun Sailak jakitera eman duenez.
03:30 aldera piztu da sua, oraindik argitzeke dauden arrazoiak direla medio, ama-seme batzuk bizi diren etxean.
Gipuzkoako Aldundiaren suhiltzaileak bertaratu dira eta hiru ordu behar izan dituzte sua itzaltzeko. Eraikina guztiz suntsituta geratu dela jakinarazi dute suhiltzaileek.
Suak kiskalitako baserria. Argazkia: EiTB
Beasaingo (Gipuzkoa) Aratz-Matxinbenta auzoko baserria. Argazkia: EiTB