'Txori Haundi' ontziak piraten erasoa saihestea lortu du

''Txori Haundi'' Bermeoko atunontzia piraten eraso berri batetik ihes egitea lortu du gaur eguerdian, Indiar Ozeanoan. Antza, segurtasun indarrek birritan tiro egin behar izan dute piratak uxatzeko.

Bermeoko ontziak Seychelle-etako ikurrina darama. Erasoa eguerdiko 12:45tan izan da, Seychelle irletatik 520 bat milietara.

Ordu horretan piraten txalupa bi ikusi dituzte eta, ondorioz, gune horretatik ihes egiten saiatu dira. Hala ere, piratak ‘Txori Haundi’aren atzetik ibili dira eta zenbait ontzi txiki jaurti dituzte.

Piraten txalupa biak atunontziarekin batera izan dira zenbait minututan. Eztabaida labur baten ondoren, piratak erasoa bertan behera uztea erabaki dute.

Ondoren, ‘Txori Haundi’ ontzia beste gune batera abiatu da.