Zortzi emakumetik batek bularreko minbizia izango du

Bularreko minbiziaren nazioarteko eguna da urriaren 19a. Zortzi emakumetik batek gaixotasun hau jasango du bizitzan zehar, Minbiziaren kontrako Espainiako Elkarteak emandako datuen arabera (2014ri dagokio txostena).

Elkartearen arabera, emakumeek gehien jasaten duten minbizia mota da, urtean 25.000 kasu atzematen dituzte Estatuan, emakumezkoei erasaten dieten tumoreen % 29, hain justu. Minbiziak jotako emakumeen artean, heriotza-kasua nagusia da: 6.075 hil ziren 2012an.

Nolanahi ere, biziraupen tasa nahiko handia da (% 82,8koa Estatuan, eta % 84,7koa, Euskadin), azken 20 urteetan nabarmen hobetu da-eta. Urtero, % 1,4 hazten da.

Jon Darpon Osasun sailburuak atzo nabarmendu duenez, biziraupen tasa handia izanagatik, ezin da zaintza txikitu.

45-65 urte arteko emakumeen artean bereziki

Minbiziaren kontrako Espainiako Elkarteak jakinaraziko datuen arabera, kasu gehienak 35 eta 80 urte arteko emakumeen artean atzematen dira, baina batez ere 45 eta 65 urte artekoen artean. Intzidentzia tasak apur bat egin du gora azken urteetan, gizartearen zahartzeagatik eta diagnosi goiztiarrarengatik.

Hain justu, gaixotasuna garaiz atzematea da minbizia mota honen kontrako tresnari onena. Mamografien bidez egindako screening edo baheketei esker, sendatze tasa biderkatu egiten da.