Gizartea -
Getxo
Obusa izan daitekeen objektu bat agertu da Gorrondoatxa hondartzan
Biharko itsasbeherara itxaron beharko dute objektua bertatik segurtasunez kentzeko. Ordura arte, itxita egongo da hondartzako zonalde hori.
Erredakzioa
Getxoko Gorrondoatxa hondartzan obus bat izan daitekeen objektua agertu da igande honetan, eta Ertzaintzak tokia itxi du, Segurtasun Sailak jakitera eman duenez.
12:00etan pertsona batek eman du abisua, itsasbeherarekin objektua ageria geratu baita. Hain zuzen ere, 50 zentimetroko luzera eta 15 zentimetroko zabalera duen objektu zilindrikoa da, eta litekeena da garai bateko obus bat izatea.
Mareak, ordea, gora egin du, eta ezin izan dute gaur hondartzatik atera. Ondorioz, biharko itsasgorara itxaron beharko dute objektua mugitzeko. Ordura arte, hondartzaren zonalde hori itxita egongo da.