Gizartea -
Astebete, desagertuta
Urumea ibaian arakatzeari utzi egin diote, Iñaki Garciaren bilaketan
Arrastorik ez dute topatu, eta atzo iluntzean bertan behera utzi zituzten ibaian egiten ari ziren bilaketa lanak. Ertzaintzak ikertzen jarraituko du.
Erredakzioa
Joan den igandean Astigarragan desagertu zen 34 urteko gazte donostiarraren bila, Urumea ibaia arakatu dute Ertzaintzako erreskate taldekoek, azken egunotan. Arrastorik ez dute topatu, eta atzo iluntzean bertan behera utzi zituzten ibaian egiten ari ziren bilaketa lanak. Dena dela, ikerketak aurrera egingo du, eta Segurtasun sailetik jakitera eman dutenez, beste bide batzuk ikertuko dituzte.
Astigarragako sagardotegi batera joan zen Iñaki Garcia joan den larunbatean, afaltzera. Sagardotegitik irten eta neska batekin hitz egiten ikusi zuten azkenekoz. Ordutik, ez dago bere arrastorik.
