Gizartea -
San Fermin 2013
Ikurriña hedatzean delitua egon zitekeela uste du epaile batek
Autoan adierazi duenez, udaletxeko plazan zeudenak "arrisku larrian" jarri zituzten.
Iruñeko instrukzioko 2. zk.ko epaitegiko epaileak delitua egon zitekeela uste du 2013ko sanferminetako txupinazoan ikurriña hedatzeagatik. Bere ustez, udaletxeko plazan zeuden milaka lagunak "arrisku larrian" jarri zituzten.
Epaileak autoan adierazi duenez (errekurtsoa aurkeztu daiteke) ordena publikoaren aurkako delitu bat egon zitekeen.
Zazpi inputatuek (Miguel Valdivielso Jiménez, Iker García Castell, Ignacio Barriuso Osés, Íñigo Balbas Ruiz, Xabier García Castell, Josué Gracia Altamira eta Iñigo Ramallo Manzano) lege-haustea egin zutela uste du eta ministerio fiskalari eskatu dio 10 eguneko epean epaiketa irekitzea edo artxibatzea.
Autoan adierazten da nola, ustez, udaletxe alboko bi eraikinetatik ikurriña erraldoi bat bota zuten.
