80 lagun etxetik atera dituzte Etxebarrin, sute baten ondorioz

80 pertsona inguru etxetik atera behar izan dituzte Etxebarrin, garaje batean piztutako sute baten ondorioz, Eusko Jaurlaritzako Segurtasun Sailak jakitera eman duenez.

Andaluzia kaleko 4 zenbakiko bizilagunak kanpora eraman dituzte, egoera erabat kontrolpean izan arte, baina dagoeneko etxera bueltatu dira.

Nola gertatu den ez badakite ere, sua piztu da garaje batean 03:00ak aldera. Ondorioz, 13 ibilgailuk su hartu dute eta bi pertsona artatu behar izan dituzte, kea arnasteagatik.

Ertzaintzak ikerketa abiatu du sua nola piztu den argitzeko.