Gizartea -
Gertaera Nafarroan
Bi pertsona hil dira Milagron izandako ultrarin istripu batean
Oraindik ez dakite nortzuk ziren hildakoak, kiskali baitira istripuaren ondoren.
Erredakzioa
Bi pertsona hil dira Milagron (Nafarroa) izandako ultrarin istripu batean, Guardia Zibileko zenbait iturriek zabaldu dutenez. Antza, ultrarina herri horretako sakan batetik behera jausi da.
Ezbeharra 12:26ean gertatu da gaur, igandea. SOS Navarra larrialdi zerbitzuak bertara bidali ditu larrialdetarako taldeak. Foruzaingoa ere bertaratu da.
Gertaera eguerdia pasatxo zenean gertatu da, eta oraindik ikertzaileek ez dakite nortzuk ziren hildakoak (kiskali dira istripuan) ezta gertaeraren nondik norakoak ere.