Gizartea -
Gertakaria
Txirrindulari bat hil da kamioi batek harrapatuta, Basaurin
Gizonezkoa BI-625 errepidean hil da, Sidenor enpresaren ondoan. Osasun-zerbitzuak bertaratu badira ere, ezin izan dute gizonezkoa suspertu.
Erredakzioa
Elorrioko txirrindulari bat hil da Basaurin (Bizkaia) kamioi batek harrapatuta, Segurtasun Sailak jakitera eman duenez. Aipatu iturrien arabera, ezbeharra BI-625 errepidean gertatu da, Sidenor enpresaren aldamenean.
55 urteko txirrindularia istripua gertatu den lekuan bertan hil da, eta osasun-zerbitzuak bertaratu badira ere, ezin izan dute gizonezkoa suspertu. Gainera, kamioi-gidaria ospitalera eraman behar izan dute antsietateak jota.
Ertzaintzak ikerketa abiatu du istripuaren nondik norakoak argitzeko.
