Bilboko mendizalea hipotermiagatik hil zen, autopsiaren arabera

Ostiralean Gredos menditik ebakuatu ostean Avilako Ospitalean hil zen mendizale bilbotarra "hipotermiagatik eta neke handiagatik" hil zela berretsi du autopsiak, Gobernuko Ordezkariordetzatik astelehen honetan azaldu dutenez.

Murgiako (Bizkaia) mendizalearen gorpua (39 urte ditu) erraustu egin dute.

Mendizale honek bizia galdu zuen, "Peoneko mendatean" aurkitu ostean,  Gredos mendian, Euskal Herriko klub bateko beste 18 mendizalerekin batera ibilbide bat egiten ari zela.

Talde honetako buruak 49 urte ditu, eta jatorriz Salamancakoa den arren Bilbon bizi da. Barco de Avila (Avila) herriko Guardia Zibilaren Mendian Erreskatatzeko eta Esku-hartzeko taldeak inputatu egin du "arduragabekeriazko homizidioa" leporatuta.

Institutu Armatuak gaur jakitera eman duenez, Gredoseko ibilbidean "hipotermia sintoma larriekin taldeko bi kide uztea" leporatu diote.