Ekonomia -
Desmentido
EBk ukatu egin du Espainiaren eta Italiaren zorra erosteko asmoa duela
Britainia Handiko hedabide batzuek argitaratutakoa gezurtatu du horrela. Europako Batzordeak argi adierazi du G20ren goi-bileran ez dutela "hori negoziatu".
Europako Batzordeak ukatu egin du erreskate funtsen bitartez Espainiaren eta Italiaren zorra erosteko asmoa dutela. Britainia Handiko hainbat hedabidek argitaratutako albistea gezurtatu du horrela.
Amadeu Altafaj Europako Batzordearen ekonomia alorreko bozeramaileak azaldu duenez, “ez zen horren inguruko negoziaziorik izan” G20k Los Cabosen (Mexiko) egin zuen goi-bileran.
“Informazio hori irakurri dugu prentsan, Europar Batasuneko estatu bateko prentsan soilik”, adierazi du bozeramaileak erreskate “planen berririk ez” duela azpimarratu aurretik.
The Daily Telegraph eta The Guardian egunkari britainiarren arabera, Europar Batasuneko estatuek Espainiaren eta Italiaren zorra erostea adostu dute, Finantzen Egonkortasunerako Funtsetik hartutako 750.000 milioi euro hain zuzen ere.
