Ekonomia -
Finantza-erreforma
De Guindosek finantza-erreforma azalduko du Kongresuan
Ekonomia ministroak agerraldia egingo du Kongresuan datorren astean finantza-sistemari eta abian jarritako azken erreformei buruz hitz egiteko.
Erredakzioa
Luis de Guindos Ekonomia ministroak agerraldia egingo du datorren astean Diputatuen Kongresuan finantza-sistemaren eta hura bideratzeko martxan jarritako azken erreformei buruzko azalpenak eskaintzeko. Ekonomia Ministerioko iturriek iragarri dutenez, litekeena da agerraldia asteazkenean izatea baina Bozeramaileen Batzordeak zehaztuko du data.
Duela ordu batzuk PSOEk hainbat agerraldi eskatu ditu Bankiaren krisia eta nazionalizazioa aztertzeko, tartean, Rodrigo Rato presidente ohiaren eta Miguel Angel Fernandez Ordoñez Espainiako Bankuaren gobernadorearen agerraldiak.
Azken egunotan mesfidantza da nagusi finantza alorrean, Moody´sen kalifikazioaren beherakada nabarmenek eta Burtsetan izandako galera handiek lagunduta. Zalantzak argitzeko Gobernuak kontu-ikuskapen bat egitea eskatu die bi enpresa independenteei.
