Ekonomia -
Gipuzkoako Foru Aldundia
PSEk eta Bilduk Kutxabankeko eraketa salatu dute zuzenketa baten bidez
PSEk eta Bilduk zuzenketa bat adostu dute Gipuzkoako Foro Aldundian Kutxabankeko administrazio kontseiluaren eraketa salatzeko.
Erredakzioa
Gipuzkoako PSEko eta Bilduko foru aldundiko taldeek zuzenketa bat adostu dute Foru Aldundiak Kutxabankeko administrazio kontseiluaren osaketa salatzeko.
Agiri batean jakinarazi dutenez, Rafaela Romero Gipuzkoako Foru Aldundiko PSEko ordezkariak eta Idoia Ormazabal Bilduko ordezkariak azaldu dute asteazken honetan Osoko Bilkuran eztabaidatuko duten zuzenketaren nondik norakoak.
Romeroren hitzetan, "itxaropena eta konfiantza" dute oraindik, eta Kutxabankeko kudeatzaileek beren jarrera aldatzea eta administrazio kontseilu berria izendatzea espero dute.
Romerok EAJren eta PPren jarrera kritikatu du; izan ere, kontseiluaren osaketa "apaindu" dute.
Hilaren 2an jarri zen martxa Kutxabank, eta EAJren eta PPren akordioagatik Administrazio Kontseilutik kanpo geratu dira Bildu eta PSE. Biok euskal gizarteko "aniztasuna" errespetatzeko eskaera egingo diete.