Ekonomia -
Minimo historikoa
Europako Banku Zentralak interes-tasa % 1eraino jaitsi du
Halaber, Mario Draghi italiarra buru duen Europako diru erakundeak esan du ez duela zor gehiago erosiko akordio fiskal baten truke.
Erredakzioa
Europako Banku Zentralaren Gobernu Batzordeak ostegun honetan interes-tasak puntu laurdena jaitsi ditu, %1eraino, eurogunean atzeraldi bat izatearen beldurra dela eta.
Europako Banku Zentralak jakitera eman duenez, kreditu marjinalaren erraztasuna, egun batean bankuei diru gehigarria mailegatzen diena, % 1,75eraino jaitsi du, eta gordailu-erraztasuna, dirua ordaintzekoarena, % 25eraino; abenduaren 14tik aurrera izango ditu ondorioak.
Mario Draghi italiarra buru duen Europako diru erakundeak bigarren hilabetez jarraian jaitsi du interes-tasa, minimo historikoan utzita. 2009ko maiatzean eta 2011ko apirilean iritsi zen maila horretara.
Europako Banku Zentralak interes-tasak aurtengo apirilean eta uztailean igo zituen, bi kasuetan era moderatuan, puntu laurden bat aldi bakoitzean.
