Bere egitasmo ekonomikoak azalduko dizkie Merkeli eta Sarkozyri Rajoyk

Europako Alderdi Popularrak Goi-bilera egingo du abenduaren 7an eta 8an, Marseillan. Hurrengo Gobernuko presidenteak, Mariano Rajoyk, bertan azalduko dizkie egitasmo ekonomikoak Europako buruzagiei, besteak beste, Angela Merkeli eta Nicolas Sarkozyri.

Abenduaren 8an hartuko du hitza Rajoyk batzarrean, PPko iturriek azaldu dutenez. Ordu batzuk geroago Europako agintariak Bruselara joango dira, izan ere, Herman Van Rompuy Kontseiluko presidenteak bilera deituko du abenduaren 9ko Goi-bilera prestatzeko.

EBko agintari nagusiekin batera izango da Rajoy Marseillako bilera horretan.

PPko burua baliteke abenduaren 7an Marseillara heltzea; besteak beste, EBko buruzagiekin elkarrizketak izan nahi dituelako.

Erdi-eskuinak Europa hartu du Europar Batasuneko gobernuburu eta estatuburu gehienak Europako Alderdi Popularreko goi-bileran izango dira, erdi-eskuinak Europa bere menpean hartu baitu. Rajoy erdi-eskuineko zerrenda horretan azkena izan da, eta oraindik Espainiako gobernuburua izan ez arren (inbestidura ekitaldia egin gabe egongo da epe horretarako), Espainiako presidentetzat hartuko dute. Marseillakoa Rajoyren lehen nazioarteko bilera izango da, eta garrantzi handia hartu du Europako eta Espainiako egoera ekonomikoa kontutan hartuta.