Espainiaren kalifikazioa mantendu du S&P agentziak

Nahiz eta Alderdi Popularrak garaipen argia lortu igandeko hauteskundeetan, Espainiako zorraren kalifikazioa bere horretan utziko duela iragarri du gaur Standard & Poors agentziak.

"Erreformak ezartzeko lana erraz dezake PPk lortutako gehiengo argiak", adierazi du agentziak txostenean, baina hazkunde ekonomikoaren "aurrikuspenak ahulak", langabezia handia eta lan-merkatuaren zurruntasuna ggorarazi ditu.

Hauteskunde-kanpainan Mariano Rajoyk iragarritako neurriak gogorarazi ditu Standard & Poor's-ek notan. Lehentasunen artean, defizita murriztea eta langabezia-tasa handiari aurre egitea aipatu zituen PPko buruzagiak.

Iragan urrian Espainiaren kalifikazioa jaitsi zuen agentziak, AAtik AA-era, perspektiba negatiboarekin.