Argindarraren kontsumoa % 8 jaitsi zen iaz Euskadin

Euskal Autonomia Erkidegoko energia elektrikoaren kontsumoa % 8,6 jaitsi zen iaz, 2019ko datuekin alderatuta, Energiaren Euskal Erakundeak bildutako datuen arabera.

Energia elektrikoaren kontsumoa ekonomiaren martxari buruzko adierazlerik garrantzitsuenetako bat da, eta, kasu honetan, agerian uzten du koronabirusaren krisiaren eragina: industrian, argindarraren kontsumoa % 12 jaitsi da, eta siderurgian, berriz, % 17ra jaitsi da.

Etxeetan, berriz, % 1,4 igo zen elektrizitatearen kontsumoa iaz.

Ohiko beste energia-iturri baten kontsumoa ere, gas naturalarena, jaitsi egin da; % 17, hain zuzen ere.

Garraiorako erregaiei dagokienez, 2020an Euskadin (2020ko azaroko datuekin, ez urte amaierakoekin) % 8,2 jaitsi da; gasolioa, garraio profesionalean gehien erabiltzen den erregaia, % 6,9 gutxiago kontsumitu da, eta gasolina, berriz, % 18,8 gutxiago.

Elektrizitatearen handizkako prezioak gora egin zuen urtarrilaren 8an, Filomena ekaitzak eragindako hotz-boladaren erdian, eguneko erreferentziaren marka historikoa ezarriz: orduko 94,44 euro megawatt bakoitzeko (MWh).